ಬೆಂಗಳೂರು: ಯುವಕರ ವೀಲಿಂಗ್‌ ನೋಡಿದ್ರೆ ನಿಮ್ಮ ಎದೆ ಝಲ್ ಎನ್ನುತ್ತೆ. ಹಗಲು ಹೊತ್ತು ಸಾಲದು ಅಂತ ನೈಟ್ ಟೈಂ ನಲ್ಲೂ ವೀಲಿಂಗ್‌ ಮಾಡಿ ಪುಂಡರು ಪುಂಡಾಟ ಮುಂದುವರೆಸಿದ್ದಾರೆ.
ಓಲ್ಡ್ ಏರ್‌ಪೋರ್ಟ್‌ ರಸ್ತೆಯಲ್ಲಿ ಮೂರು ಸ್ಕೂಟರ್‌ನಲ್ಲಿ ಪುಂಡರು ವೀಲಿಂಗ್‌ ಮಾಡುವ ದೃಶ್ಯ ಮೊಬೈಲ್‌ನಲ್ಲಿ ಸರೆಯಾಗಿದೆ. ಕಳೆದ ರಾತ್ರಿ 9 ಗಂಟೆ ಸುಮಾರಿಗೆ ವಾಹನ ದಟ್ಟಣೆ ಇರುವ ವೇಳೆಯಲ್ಲೇ ವೀಲಿಂಗ್‌ ಮಾಡಿ ಹುಚ್ಚಾಟ ಮೆರೆದಿದ್ದಾರೆ.ಹೆಲ್ಮೆಟ್ ಧರಿಸದೇ ಓವರ್ ಸ್ಪೀಡ್ ಆಗಿ ಅಡ್ಡದಿಡ್ಡಿ ಬೈಕ್ ಓಡಿಸಿದ್ದಾರೆ.
ಯುವಕರ ಹುಚ್ಚಾಟದಿಂದ ಇತರೆ ವಾಹನ ಸವಾರರಿಗೆ ಸಂಕಷ್ಟ ಅನುಭವಿಸುವಂತಾಗಿದೆ. ರೀಲ್ಸ್ ಶೋಕಿಗಾಗಿ ನಕಲಿ ನಂಬರ್ ಪ್ಲೇಟ್ ಅಳವಡಿಸಿಕೊಂಡು ಯುವಕರು ವೀಲಿಂಗ್‌ ಮಾಡುತ್ತಿದ್ದಾರೆ ಎನ್ನಲಾಗ್ತಿದೆ.
ಏರಿಯಾದಲ್ಲಿ ವೀಲಿಂಗ್‌ ಹುಚ್ಚಾಟ ನಡೆಸುವವರನ್ನು ಕಂಡರೆ ಕೂಡಲೇ ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡುವಂತೆ ಪೊಲೀಸ್ ಇಲಾಖೆ ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.
