ಅಪರಾಧಪೊಲೀಸ್ರಾಜ್ಯ

ವ್ಯಾಪಾರದಲ್ಲಿ ವೈಷಮ್ಯ: ಅಕ್ಕಿ ವ್ಯಾಪಾರಿಯ ಕೊಲೆ ಪ್ರಕರಣದ ಏಳು ಆರೋಪಿಗಳ ಬಂಧನ

ಬಳ್ಳಾರಿ: ನಗರದ ರೇಡಿಯೊ ಪಾರ್ಕ್ ಬಳಿ 2022, ಸೆ.28ರಂದು ನಡೆದ ಅಕ್ಕಿ ವ್ಯಾಪಾರಿ ಮಂಜುನಾಥ ಅವರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಏಳು ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ಎಸ್ಪಿ ಸೈದುಲು ಅಡಾವತ್‌ ಹೇಳಿದರು.

ಇಲ್ಲಿನ ಎಸ್ಪಿ ಕಚೇರಿಯಲ್ಲಿ ಭಾನುವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಅವರು ಈ ಮಾಹಿತಿ ನೀಡಿದರು. ಕಮಲಾಪುರ ನಿವಾಸಿ ಹುಸೇನಿ, ನಗರ ನಿವಾಸಿಗಳಾದ ಭಾಸ್ಕರ್‌, ಸಂತೋಷ್‌ ಕುಮಾರ, ಬಂಡಿಮೋಟದ ಸರ್ವರ್‌, ಜವಾರಿ ಸ್ಟ್ರೀಟ್‌ನ ಇಲಿಯಾಸ್‌, ರಾಜೇಶ್ವರಿ ನಗರದ ಪ್ರಬಾಕರ್‌ ಹಾಗೂ ರಾಘು ಬಂಧಿತರು.

ಬಂಧಿತರಿಂದ ಎರಡು ಬೈಕ್‌, ಏಳು ಮೊಬೈಲ್‌ ಹಾಗೂ ಕೊಲೆಗೆ ಬಳಸಿದ ಆಯುಧಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಪ್ರಕರಣದ ಇತರ ಮೂವರು ಆರೋಪಿಗಳಾದ ಕೋಳಿ ಅನಿಲ್‌, ಆಸೀಫ್‌ ಹಾಗೂ ನವೀನ್‌ ಅವರ ಪತ್ತೆಗೆ ಕಾರ್ಯಾಚರಣೆ ಮುಂದುವರಿದಿದೆ ಎಂದರು.

ಪಡಿತರ ಅಕ್ಕಿ ದಂಧಗೆ ಸಂಬಂಧಿಸಿದಂತೆ ಪೊಲೀಸರಿಗೆ ಮಾಹಿತಿ ನೀಡುತ್ತಿದ್ದಾರೆ ಎಂಬ ಶಂಕೆ ಹಿನ್ನೆಲೆ ಮಂಜುನಾಥ ಅವರ ವಿರುದ್ಧ ಆರೋಪಿಗಳು ಆಕ್ರೋಶಗೊಂಡಿದ್ದರು.

ಮತ್ತೊಂದೆಡೆ ವ್ಯಾಪಾರದಲ್ಲಿ ಮಂಜುನಾಥ ಮತ್ತು ಇಲಿಯಾಸ್‌, ಭಾಸ್ಕರ್‌, ಸರ್ವರ್‌ ಮಧ್ಯೆ ವೈಷಮ್ಯವಿತ್ತು ಎನ್ನಲಾಗಿದೆ.

ಮಂಜುನಾಥ ಅವರನ್ನು ಕೊಲೆ ಮಾಡಿದರೆ 10 ಲಕ್ಷ ರೂ. ನೀಡುವುದಾಗಿ ಇಲಿಯಾಸ್‌ ನೀಡಿದ ಸುಪಾರಿ ಒಪ್ಪಿಕೊಂಡ ಭಾಸ್ಕರ್‌ ಎಂಬ ಆರೋಪಿ, ಸರ್ವರ್‌, ಸಂತೋಷ್‌, ಅನಿಲ್‌, ಹುಸೇನ್‌ ಜತೆ ಸೇರಿ ಮಂಜುನಾಥ ಅವರ ಕೊಲೆಗೆ ಸಂಚು ರೂಪಿಸಿದ್ದರು.

ಸೆ.28ರಂದು ಬೆಳಗಿನ ಜಾವ ಮಂಜುನಾಥ ಅವರನ್ನು ಆರೋಪಿಗಳಾದ ಅನಿಲ್‌ ಮತ್ತು ಹುಸೇನಿ ಮಚ್ಚಿನಿಂದ ಹೊಡೆದು ಕೊಲೆ ಮಾಡಿದ್ದಾರೆ ಎಂದು ವಿವರಿಸಿದರು.

ಮೃತ ಮಂಜುನಾಥ ಅವರ ಸಹೋದರ ನೀಡಿದ ದೂರಿನ ಮೇರೆಗೆ ಕೌಲ್‌ ಬಜಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನಗರ ಉಪವಿಭಾಗ ಡಿವೈಎಸ್ಪಿ ಎಚ್‌.ಶೇಖರಪ್ಪ ನೇತೃತ್ವದ ತಂಡದಲ್ಲಿದ್ದ ಠಾಣಾ ಸಿಪಿಐ ವಾಸುಕುಮಾರ, ಪಿಎಸ್‌ಐ ಅಮಿತಾ ಹಾಗೂ ಸಿಬ್ಬಂದಿ, ಆರೋಪಿಗಳನ್ನು ಪತ್ತೆಹಚ್ಚಿದ್ದಾರೆ ಎಂದು ಎಸ್ಪಿ ತಿಳಿಸಿದರು.

Antony Raju A

Ncibtimesmedia Web Portal Director & national executive officer Contact:9482289151 Gmail: antonyraju166@gmail.com

Related Articles

Leave a Reply

Your email address will not be published. Required fields are marked *

Back to top button