ರಾಷ್ಟ್ರಿಯಸಂಸ್ಕೃತಿ

ರಾಜರಾಜ ಚೋಳ ಹಿಂದೂರಾಜ ಹೌದೋ ಅಲ್ವೋ?: ತಮಿಳುನಾಡಿನಲ್ಲಿ ನಡೆಯುತ್ತಿದೆ ಬಿಸಿ ಬಿಸಿ ಚರ್ಚೆ

ಚೆನ್ನೈ: ದ್ರಾವಿಡ ಸಿದ್ಧಾಂತ ಬಲವಾಗಿ ನೆಲೆಯೂರಿರುವ ತಮಿಳುನಾಡಿನಲ್ಲಿ ಮತ್ತೆ ಹಿಂದುತ್ವ ಮತ್ತು ದ್ರಾವಿಡ ಸಿದ್ಧಾಂತಗಳ ನಡುವೆ ತಿಕ್ಕಾಟ ಶುರು ಹಚ್ಚಿಕೊಂಡಿದೆ.

ತಮಿಳು ಸಂತ ಕವಿ ತಿರುವಳ್ಳವರ್ ಮತ್ತು ಚೋಳ ವಂಶದ ಸಾಮ್ರಾಟ ರಾಜ ರಾಜ ಚೋಳ ಇವರಿಗೆ ಹಿಂದೂ ಧಾರ್ಮಿಕ ಅಸ್ಮಿತೆಯನ್ನು ನೀಡುವ ಪ್ರಯತ್ನ ಬಲವಾಗಿ ನಡೆಯುತ್ತಿದೆ ಎಂಬ ಆರೋಪ ಇದೀಗ ಬಿಸಿ ಬಿಸಿ ಚರ್ಚೆಗೆ ಕಾರಣವಾಗಿದೆ.

ತಮಿಳು ನಾಡಿನ ಶ್ರೇಷ್ಠ ಸಂತ ಕವಿ ತಿರುವಳ್ಳುವರ್ ಮತ್ತು ಚೋಳ ವಂಶದ ಸಾಮ್ರಾಟ್ ರಾಜರಾಜ ಚೋಳರನ್ನು ಹಿಂದೂ ಧರ್ಮದವರೆಂದು ಬಿಂಬಿಸುವ ಪ್ರಯತ್ನ ನಡೆಯುತ್ತಿದೆ ಎಂದು ರಾಷ್ಟ್ರಪ್ರಶಸ್ತಿ ಪುರಸ್ಕೃತ ಚಿತ್ರ ನಿರ್ಮಾಪಕ ವೆಟ್ರಿಮಾರನ್ ಆರೋಪಿಸಿದ್ದಾರೆ.

ರಾಜರಾಜ ಚೋಳನನ್ನು ಒಬ್ಬ ಹಿಂದೂ ರಾಜನಾಗಿ ಗುರುತಿಸಬೇಕೆ ಬೇಡವೇ ಎಂಬ ವಿಚಾರದ ಬಗ್ಗೆ ಗುರುವಾರ ಇತ್ತೀಚಗೆ ಸಂವಾದ ಕಾರ್ಯಕ್ರಮದಲ್ಲಿ ಇಷ್ಟೆಲ್ಲಾ ಚರ್ಚೆ ನಡೆದಿದ್ದು.

ಈ ವಿಷಯವಾಗಿ ಮಾತನಾಡಿದ ತೆಲಂಗಾಣ ರಾಜ್ಯಪಾಲೆ ತಮಿಳಿಸೈ ಸೌಂದರರಾಜನ್, ಉನ್ನತ ಮಟ್ಟದ ಹಿಂದೂ ಸಾಧಕರನ್ನು ಕಡೆಗಣಿಸುವ ಪ್ರಯತ್ನ ನಡೆಯುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಹಿಂದುತ್ವ ಎನ್ನುವುದು ಸಾಂಸ್ಕೃತಿಕ ಅಸ್ಮಿತೆ.

ಆದರೆ ತಮಿಳುನಾಡಿನಲ್ಲಿ ಇಂತಹ ಸಾಂಸ್ಕೃತಿಕ ಗುರುತಿಸುವಿಕೆಯನ್ನೇ ಮರೆಮಾಚಲಾಗುತ್ತಿದೆ. ಇದರ ವಿರುದ್ಧ ದೊಡ್ಡಮಟ್ಟದ ಧ್ವನಿ ಎತ್ತಬೇಕಾದ ಅಗತ್ಯವಿದೆ ಎಂದು ಅವರು ಹೇಳಿದರು.

ಬಳಿಕ ಮಾತನಾಡಿದ ಚಿತ್ರನಿರ್ದೇಶಕ ವೆಟ್ರಿಮಾರನ್ ನಮ್ಮ ಐಡೆಂಟಿಟಿಯನ್ನು ನಮ್ಮಿದ ಕಿತ್ತುಕೊಳ್ಳುವ ಪ್ರಯತ್ನಗಳು ನಡೆಯುತ್ತಿವೆ.

ತಿರುವಳ್ಳುವರ್ ಮತ್ತು ರಾಜರಾಜ ಚೋಳನನ್ನು ಹಿಂದೂ ಎಂದು ಬಿಂಬಿಸುವ ಪ್ರಯತ್ನಗಳು ನಿರಂತರವಾಗಿ ನಡೆಯುತ್ತಿವೆ ಎಂದು ತಿರುಗೇಟು ನೀಡಿದರು.

ಮಣಿರತ್ನಂ ಸಿನೆಮಾ ಬಂದ ಬಳಿಕ ಚರ್ಚೆಅಕ್ಟೋಬರ್ 1ರಂದು ನಡೆದ ವಿಧುತಲೈ ಚಿರುತೈಗಲ್ ಕಚ್ಚಿ ಪಕ್ಷದ ಮುಖಂಡ ತಿರುಮಾವಲವನ್ ಅವರ 60ನೇ ಜನ್ಮದಿನ ಸಮಾರಂಭದಲ್ಲಿ ಈ ಬಗ್ಗೆ ಬಿಸಿಬಿಸಿ ಚರ್ಚೆಯಾಯಿತು.

ಇದರ ಹಿಂದಿನ ದಿನವಷ್ಟೇ ಮಣಿರತ್ನಂ ನಿರ್ದೇಶಿಸಿದ ಬಹುತಾರಾಗಣದ ಪೊನ್ನಿಯನ್ ಸೆಲ್ವನ್-1 ಚಿತ್ರ ಬಿಡುಗಡೆಯಾಗಿತ್ತು.

ರಾಜ ರಾಜ ಚೋಳ ಮತ್ತು ಆತನ ಕಿರಿಯ ಸಹೋದರ ಆದಿತ್ಯ ಕರಿಕಾಲನ್ ನಡುವೆ ನಡೆದ ಚಾರಿತ್ರಿಕ ಘಟನೆಗಳನ್ನು ಇಟ್ಟುಕೊಂಡು ಕಲ್ಕಿ ಕೃಷ್ಣಮೂರ್ತಿ ಬರೆದ ಕಾದಂಬರಿ ಆಧಾರಿತ ಚಿತ್ರ ಇದಾಗಿತ್ತು. ಈ ಚಿತ್ರ ಬಿಡುಗಡೆಯಾದ ಬೆನ್ನಲ್ಲೇ ಈ ಚರ್ಚೆ ಶುರುವಾಗಿದೆ.

Antony Raju A

Ncibtimesmedia Web Portal Director & national executive officer Contact:9482289151 Gmail: antonyraju166@gmail.com

Related Articles

Leave a Reply

Your email address will not be published. Required fields are marked *

Back to top button