ಅಪಘಾತಅಪರಾಧಬೆಂಗಳೂರು

ರಾಜಧಾನಿಯಲ್ಲಿ ಯಮಸ್ವರೂಪಿ ಗುಂಡಿಗಳಿಂದ ಅಪಘಾತ- ಮಹಿಳೆ ಸ್ಥಿತಿ ಗಂಭೀರ

ಬೆಂಗಳೂರು: ರಾಜಧಾನಿ ಬೆಂಗಳೂರಿನ ರಸ್ತೆ ನಿರ್ವಹಣೆಗೆ ಕೋಟ್ಯಾಂತರ ರುಪಾಯಿ ಖರ್ಚು ಮಾಡಿದ್ರೂ ವಾಹನ ಸವಾರರಿಗೆ ಮಾತ್ರ ಸುರಕ್ಷತೆ ಇಲ್ಲದಾಗಿದೆ. ಇಂದು ಬೆಳಗ್ಗೆ ರಾಜಾಜಿನಗರದಲ್ಲಿ ನಡೆದ ರಸ್ತೆಗುಂಡಿ ಅಪಘಾತದಿಂದಾಗಿ ಮಹಿಳೆ ಸ್ಥಿತಿ ಗಂಭೀರವಾಗಿದ್ದು, ಐಸಿಯು ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇಂದು ಬೆಳಗ್ಗೆ ಗುಂಡಿ ತಪ್ಪಿಸಲು ಹೋಗಿ ಅಪಘಾತ ನಡೆದಿದೆ. ತಾಯಿ ಮಗಳು ಬೈಕ್ ನಲ್ಲಿ ಹೋಗುತ್ತಿದ್ದ ವೇಳೆ ಕೆಎಸ್ಆರ್ಟಿಸಿ ಬಸ್ ಡಿಕ್ಕಿ ಹೊಡೆದಿದೆ.

ಅಪಘಾತದಲ್ಲಿ ಕೆಳಗೆ ಬಿದ್ದು ತಾಯಿಗೆ ಗಂಭೀರ ಗಾಯ ಆಗಿದೆ. ಇಎಸ್ಐ ಆಸ್ಪತ್ರೆಯಲ್ಲಿ ಐಸಿಯು ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ನಂತರ ರಾಮಯ್ಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ತಾಯಿ ಉಮಾದೇವಿ ಮನೆ ಕೆಲಸ ಮಾಡುತ್ತಿದ್ದರು. ಮೂವರು ಹೆಣ್ಣು ಮಕ್ಕಳಿದ್ದು ಇಬ್ಬರಿಗೆ ಮದುವೆ ಮಾಡಿಸಿದ್ದರು. ಪತಿ 5 ವರ್ಷದ ಹಿಂದೆ ತೀರಿಹೋಗಿದ್ದರು. ಮನೆಕೆಲಸ ಮುಗಿಸಿ ಗಾಯತ್ರಿನಗರಕ್ಕೆ ಮಗಳು ವನಿತಾ ಜೊತೆ ವಾಪಾಸ್ಸಾಗುವಾಗ ಈ ಘಟನೆ ನಡೆದಿದೆ.

ಅಪಘಾತ ನಡೆದ ಸ್ಥಳದಲ್ಲಿ ಆಮ್ ಆದ್ಮಿ ಹಾಗೂ ಕೆ ಆರ್ ಎಸ್ ಪಕ್ಷದಿಂದ ಪ್ರತಿಭಟನೆ ನಡೆಯುತ್ತಿದೆ. ಸರ್ಕಾರದ 40% ಕಮಿಷನ್ ನಿಂದ ಅಪಘಾತ ನಡೆದಿದೆ ಎಂದು ಘೋಷಣೆ ಕೂಗುತ್ತಿದ್ದಾರೆ.

ಕಳಪೆ ಕಾಮಗಾರಿಯಿಂದ ಇಂತಹ ಅವಘಡಗಳು ಸಂಭವಿಸುತ್ತಿವೆ ಎಂದು ಆಕ್ರೋಶ ಹೊರಹಾಕಿದ್ದಾರೆ. ರಸ್ತೆಗುಂಡಿಯಲ್ಲಿ ಉರುಳುಸೇವೆ ಮಾಡಿ ಪ್ರತಿಭಟನೆ ನಡೆಸಿದ್ದಾರೆ.

ಇನ್ನೊಂದೆಡೆ ಕಾರ್ಪೊರೇಷನ್ ಬಳಿಯ ಮಿಷನ್ ರಸ್ತೆಯಲ್ಲಿ ಅಪಘಾತ ನಡೆದಿದೆ. ಬೈಕ್ ಸವಾರನ ಕಾಲಿಗೆ ಏಟಾಗಿದ್ದು, ಪಾದಗಳ ಚರ್ಮಗಳು ಕಿತ್ತು ಹೋಗಿವೆ. ಪಾಲಿಕೆ ವಿರುದ್ಧ ವಾಹನ ಸವಾರರು ಹಿಡಿಶಾಪ ಹಾಕುತ್ತಿದ್ದಾರೆ.

ಇಷ್ಟು ದಿನ ರಸ್ತೆ ಗುಂಡಿ ಇದ್ರು ತಲೆಕೆಡಿಸಿಕೊಳ್ಳದ ಬಿಬಿಎಂಪಿ ಇದೀಗ ಅಪಘಾತದ ಬಳಿಕ, ಪೌರಕಾರ್ಮಿಕರು ಗುಂಡಿಗಳಿಗೆ ಅಲ್ಲೇ ಸುತ್ತಮುತ್ತ ಇದ್ದ ಜಲ್ಲಿ ತುಂಬಿಸಿದ್ದಾರೆ.

ಸ್ಥಳಕ್ಕೆ ಬಿಬಿಎಂಪಿ ಅಧಿಕಾರಿಗಳು ಬರಬೇಕೆಂದು ಪ್ರತಿಭಟನಾಕಾರರು ಪಟ್ಟು ಹಿಡಿದಿದ್ದಾರೆ.ಬಿಬಿಎಂಪಿ ಅಧಿಕಾರಿಗಳು ಬರುವ ಸಾಧ್ಯತೆ ಇದೆ.

ರಸ್ತೆಗುಂಡಿ ಅಪಘಾತದ ಬಗ್ಗೆ ಪ್ರತಿಕ್ರಿಯೆ ನೀಡಿದ ಬಿಬಿಎಂಪಿ ಮುಖ್ಯ ಆಯುಕ್ತ ತುಷಾರ್ ಗಿರಿನಾಥ್, ಅಪಘಾತ ರಸ್ತೆಗುಂಡಿಯಿಂದ ಆಗಿದೆಯಾ, ಹೇಗೆ ಆಗಿದೆ ಎಂದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ತನಿಖೆ ಮೇಲೆ ಮುಂದಿನ ಕ್ರಮ ಕೈಗೊಳ್ಳಲಾಗುತ್ತದೆ.

ಬಿಬಿಎಂಪಿ ಹೊಣೆಗಾರಿಕೆ ಬಂದರೆ, ಆ ಪ್ರಕಾರ ಕ್ರಮ ತೆಗೆದುಕೊಳ್ಳಲಾಗುವುದು. ಶಿಸ್ತು ಕ್ರಮ ಹಾಗೂ ಕುಟುಂಬಕ್ಕೆ ಪರಿಹಾರ ಕೊಡುವ ಬಗ್ಗೆ ನಿರ್ಧರಿಸಲಾಗುವುದು. ಬೈಕ್ ನಲ್ಲಿ ಹೋಗುತ್ತಿರುವಾಗ ಕೆಎಸ್‌ಆರ್ಟಿಸಿ ಕೆಳಗೆ ಬಿದ್ದು ಅಪಘಾತ ಆಗಿದೆ.

ಇಎಸ್ ಐ ನಿಂದ ಬೇರೆ ಆಸ್ಪತ್ರೆಗೆ ಶಿಫ್ಟ್ ಆಗಿದ್ದಾರೆ. ರಸ್ತೆಗುಂಡಿ ಮುಚ್ಚಲು ಬಹಳ ಕ್ರಮ ಕೈಗೊಳ್ಳಲಾಗಿದೆ. ನಿರಂತರ ಮಳೆಯಿಂದಾಗಿ ಪ್ರಗತಿ ಕುಂಠಿತವಾಗಿದೆ. ತ್ವರಿತಗೊಳಿಸಲಾಗುವುದು.

ದಿನನಿತ್ಯ ಗುಂಡಿಗಳು ಹೆಚ್ಚಾಗ್ತಿದೆ. 20 ಸಾವಿರ ಗುಂಡಿಗಳ ಲೆಕ್ಕ ಹಾಕಲಾಗಿದೆ. ಇನ್ನೂ 3 ಸಾವಿರ ಹೆಚ್ಚಾಗಿರುವ ಸಾಧ್ಯತೆ ಇದೆ. ಮುಖ್ಯ ರಸ್ತೆಗಳಲ್ಲಿ 500 ಗುಂಡಿಗಳಿವೆ ಎಂದು ಕೋರ್ಟ್ ಗೆ ಮಾಹಿತಿ ನೀಡಿದ್ದೇವೆ ಎಂದರು.

ರಸ್ತೆಗುಂಡಿ ಮುಚ್ಚಲು ಪೈಥಾನ್ ವಿಫಲ ಆದ್ರೆ ಅವರನ್ನು ಕಿತ್ತುಹಾಕಲಾಗುವುದು. ಪಶ್ಚಿಮ ಭಾಗದಲ್ಲಿ 70 ಕಿ.ಮೀ ನಿರ್ವಹಣೆ ಪೈಥಾನ್ ಸಂಸ್ಥೆಗಿದೆ. ಇದನ್ನು ಪರಿಶೀಲಿಸಲಾಗುವುದು.

ಮಳೆಯಲ್ಲಿ ಹಾಟ್ ಮಿಕ್ಸ್, ಕೋಲ್ಡ್ ಮಿಕ್ಸ್ ಡಾಂಬಾರು ಎರಡೂ ಉಪಯೋಗಕ್ಕೆ ಸಾಧ್ಯವಾಗ್ತಿಲ್ಲ. ಹೀಗಾಗಿ ಸದ್ಯಕ್ಕೆ ನಗರದಲ್ಲಿ ಮರಳು, ಕಲ್ಲು, ಜಲ್ಲಿಯಿಂದ ಮುಚ್ಚಲಾಗ್ತದೆ ಎಂದರು.

Antony Raju A

Ncibtimesmedia Web Portal Director & national executive officer Contact:9482289151 Gmail: antonyraju166@gmail.com

Related Articles

Leave a Reply

Your email address will not be published. Required fields are marked *

Back to top button