Weatherರಾಜ್ಯಹವಾಮಾನ

ಮೈಸೂರಿನಲ್ಲಿ ಮೂರು ಸಾವಿರ ಮನೆಗಳಿಗೆ ಹಾನಿ; ಮಳೆಗೆ 200 ಕೋಟಿ ನಷ್ಟ: ಸರಕಾರಕ್ಕೆ ವರದಿ ಸಲ್ಲಿಕೆ

ಮೈಸೂರು: ರಾಜ್ಯಾದ್ಯಂತ ಸುರಿಯುತ್ತಿರುವ ಮಳೆಗೆ ಜನರು ತತ್ತರಿಸಿ ಹೋಗಿದ್ದಾರೆ. ಅದರಲ್ಲೂ ಮೈಸೂರು ನಗರ ಸೇರಿದಂತೆ ಜಿಲ್ಲೆಯಲ್ಲಿ ಸುರಿದ ಸತತ ಮಳೆಯಿಂದಾಗಿ ಬರೋಬ್ಬರಿ 200 ಕೋಟಿ ರೂ. ನಷ್ಟವಾಗಿದೆ. ಅಪಾರ ಕೃಷಿ ಬೆಳೆ ನಷ್ಟವಾಗಿದೆ. ಅಲ್ಲದೇ, 3 ಸಾವಿರಕ್ಕೂ ಹೆಚ್ಚು ಮನೆಗಳಿಗೆ ಹಾನಿಯಾಗಿದೆ.

ಕಳೆದ ಎರಡು ತಿಂಗಳಲ್ಲಿ ಸುರಿದ ಮಳೆಗೆ ಕೆರೆ ಕಟ್ಟೆಗಳು ಕೋಡಿ ಹರಿದಿದ್ದು, ಕೃಷಿ, ತೋಟಗಾರಿಕೆ ಬೆಳೆಗಳೊಂದಿಗೆ ಮನೆಗಳಿಗೂ ಹಾನಿಯಾಗಿದೆ. ಕೆಲವೆಡೆ ರಸ್ತೆಗಳು ಹಾಳಾಗಿ ಸೇತುವೆಗಳು ಕೊಚ್ಚಿ ಹೋಗಿವೆ.

ಪ್ರಾಣಿ ಪಕ್ಷಿಗಳೊಂದಿಗೆ ಇಬ್ಬರು ಮಳೆಗೆ ಮೃತಪಟ್ಟರೆ, ರಾಜ್ಯ ಹೆದ್ದಾರಿಯೊಂದಿಗೆ ಜಿಲ್ಲಾಮತ್ತು ಗ್ರಾಮೀಣ ಭಾಗದ 500 ಕಿ.ಮೀ. ಉದ್ದದ ರಸ್ತೆಗಳು ಹಾಳಾಗಿದೆ.

ಸರಕಾರಕ್ಕೆ ವರದಿಎರಡು ತಿಂಗಳಿಂದ ಸುರಿದ ಮಳೆಗೆ ಬಹಳ ನಷ್ಟ ಉಂಟಾಗಿದೆ. ಈ ಬಗ್ಗೆ ಸಮ್ರಗ ವರದಿ ಸಿದ್ಧಪಡಿಸಿರುವ ಜಿಲ್ಲಾಡಳಿತ, ಮೈಸೂರು ಜಿಲ್ಲೆಯಲ್ಲಿ ಮಳೆಯಿಂದಾಗಿ 200 ಕೋಟಿ ರೂ. ನಷ್ಟವಾಗಿದೆ ಎಂದು ಸರಕಾರಕ್ಕೆ ವರದಿ ಸಲ್ಲಿಸಿದೆ.

ಕಳೆದ ಜುಲೈಯಿಂದ ಸೆಪ್ಟೆಂಬರ್‌ 5ರವರೆಗೆ ಮಳೆಯಿಂದಾಗಿ ಆಗಿರುವ ಅನಾಹುತದ ಬಗ್ಗೆ ಮಾಹಿತಿ ಸಂಗ್ರಹಿಸಿ ವರದಿ ನೀಡಲಾಗಿದೆ.

ಕಳೆದ ಜುಲೈನಲ್ಲಿ ವಾಡಿಕೆಗಿಂತ ಶೇ.70ರಷ್ಟು ಮಳೆ ಬಿದ್ದಿದ್ದರೆ, ಆಗಸ್ಟ್‌ನಲ್ಲಿ ಶೇ.152ರಷ್ಟು ಮಳೆಯಾಗಿದೆ. ಕಳೆದ 7 ತಿಂಗಳಿಗೆ ಹೋಲಿಸಿದರೆ ಅತಿ ಹೆಚ್ಚು ಮಳೆ ಆಗಸ್ಟ್‌ನಲ್ಲಿ ಆಗಿದೆ.

ಮನೆಗಳಿಗೆ ಹಾನಿಜಿಲ್ಲೆಯಲ್ಲಿ ಸರಗೂರು, ಪಿರಿಯಾಪಟ್ಟಣ, ಎಚ್‌.ಡಿ.ಕೋಟೆಯಲ್ಲಿ ಹೆಚ್ಚು ಮನೆಗಳಿಗೆ ಹಾನಿಯಾಗಿದೆ. ಜಿಲ್ಲೆಯಲ್ಲಿ 3 ಸಾವಿರಕ್ಕೂ ಹೆಚ್ಚು ಮನೆಗಳು ಹಾನಿಯಾಗಿದ್ದು, ಅದರಲ್ಲಿಯೂ ಪಿರಿಯಾಪಟ್ಟಣ ತಾಲೂಕಿನಲ್ಲಿ 865 ಹೆಚ್ಚು ಮನೆಗಳಿಗೆ ಹಾನಿಯಾಗಿದೆ.

ಎಚ್‌.ಡಿ.ಕೋಟೆಯಲ್ಲಿ 509, ಹುಣಸೂರಿನಲ್ಲಿ 437, ನಂಜನಗೂಡಿನಲ್ಲಿ 200, ಮೈಸೂರು ತಾಲೂಕಿನಲ್ಲಿ 134, ತಿ.ನರಸೀಪುರದಲ್ಲಿ74, ಸರಗೂರಿನಲ್ಲಿ 674 ಮನೆಗಳು, ಕೆ.ಆರ್‌.ನಗರ ಮತ್ತು ಸಾಲಿಗ್ರಾಮದಲ್ಲಿ320 ಮನೆಗಳಿಗೆ ಹಾನಿ ಉಂಟಾಗಿದೆ. ಇದರಲ್ಲಿ 2500 ಮನೆಗಳಿಗೆ ಪರಿಹಾರ ನೀಡಲಾಗಿದೆ.

ಮಳೆಯಿಂದಾಗಿ ಮೈಸೂರು ತಾಲೂಕು ಮತ್ತು ನಂಜನಗೂಡಿನಲ್ಲಿ ಕೃಷಿಯೊಂದಿಗೆ ತೋಟಗಾರಿಕೆ ಬೆಳೆಗೆ ಹೆಚ್ಚು ಹಾನಿಯಾಗಿದೆ. ಜತೆಗೆ ಉಳಿದ ತಾಲೂಕುಗಳಲ್ಲೂ ನಷ್ಟವಾಗಿದೆ.

ಬೇರೆ ತಾಲೂಕಿಗೆ ಹೋಲಿಸಿದರೆ ಮೈಸೂರು ತಾಲೂಕಿನಲ್ಲಿ ಹೆಚ್ಚು ರಸ್ತೆ, ಸೇತುವೆಗಳು ಹಾಳಾಗಿದೆ. ತಾಲೂಕು ವ್ಯಾಪ್ತಿಯಲ್ಲಿ ಕೆಲ ಬಡಾವಣೆಗಳಲ್ಲಿ ಮನೆಗಳು ಸಹ ಜಲಾವೃತಗೊಂಡು ಸಮಸ್ಯೆಯಾಗಿತ್ತು.

ಎರಡು ಜೀವ ಹಾನಿ ಮೈಸೂರು ಜಿಲ್ಲೆಯಲ್ಲಿ ಸುರಿದ ಸತತ ಮಳೆಯಿಂದಾಗಿ ಇಬ್ಬರು ಮೃತಪಟ್ಟಿದ್ದಾರೆ. ಮೈಸೂರು ತಾಲೂಕಿನ ಮಾವಿನಹಳ್ಳಿಯಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ. ಹುಣಸೂರು ತಾಲೂಕಿನಲ್ಲಿ ಮಳೆಗೆ ಸಿಲುಕಿ ಮತ್ತೊಬ್ಬರು ಮೃತಪಟ್ಟಿದ್ದಾರೆ.

ಕೃಷಿ ನಷ್ಟದ ಮಾಹಿತಿ ಜಾನುವಾರು, ಕೋಳಿ-ಕುರಿ ಸಾವು: 114ಕೃಷಿ ಬೆಳೆ ಹಾನಿ: 321.21 ಹೆಕ್ಟೇರ್‌ತೋಟಗಾರಿಕೆ ಬೆಳೆ ಹಾನಿ: 384.02 ಹೆ.

ಕಟ್ಟಡ, ರಸ್ತೆ, ಸೇತುವೆ ಹಾನಿ ಮಾಹಿತಿ ಶಾಲಾ ಕೊಠಡಿ: 159 ಅಂಗನವಾಡಿ ಕಟ್ಟಡ: 115ಪ್ರಾಥಮಿಕ ಆರೋಗ್ಯ ಕೇಂದ್ರ ಹಾನಿ: 13ರಸ್ತೆ ಹಾನಿ: 527.52 ಕಿ.ಮೀ.ಸೇತುವೆ: 46ವಿದ್ಯುತ್‌ ಕಂಬ: 335ವಿದ್ಯುತ್‌ ಟ್ರಾನ್ಸ್‌ಫಾರ್ಮರ್‌: 12

ಮೈಸೂರು ಜಿಲ್ಲೆ ಚಾಮುಂಡೇಶ್ವರಿ ಕ್ಷೇತ್ರದಲ್ಲಿಯೇ ಮಳೆಯಿಂದಾಗಿ 100 ಕೋಟಿ ರೂ.ಗೂ ಹೆಚ್ಚು ಅನಾಹುತವಾಗಿದೆ. ಸೂಕ್ತ ಪರಿಹಾರ ನೀಡುವಂತೆ ಕೇಂದ್ರ ಮತ್ತು ರಾಜ್ಯ ಸರಕಾರಕ್ಕೆ ಒತ್ತಾಯಿಸಲಾಗುವುದು.

ಜಿ.ಟಿ.ದೇವೇಗೌಡ, ಶಾಸಕರುಮೈಸೂರು ಜಿಲ್ಲೆಯಲ್ಲಿ ಕಳೆದ ಎರಡು ತಿಂಗಳಲ್ಲಿ ಸುರಿದ ಮಳೆಯಿಂದಾಗಿ ಕೃಷಿ, ತೋಟಗಾರಿಕೆ ಬೆಳೆ ನಷ್ಟವಾಗಿದೆ.

ಮನೆಗಳಿಗೂ ಹಾನಿಯಾಗಿದ್ದು, ಈ ಸಂಬಂಧ ಸಮೀಕ್ಷೆ ನಡೆಸಲಾಗಿದೆ. 200 ಕೋಟಿ ರೂ. ನಷ್ಟವಾಗಿದೆ ಎಂದು ಸರಕಾರಕ್ಕೆ ವರದಿ ಸಲ್ಲಿಸಲಾಗಿದೆ.

Antony Raju A

Ncibtimesmedia Web Portal Director & national executive officer Contact:9482289151 Gmail: antonyraju166@gmail.com

Related Articles

Leave a Reply

Your email address will not be published. Required fields are marked *

Back to top button