ಆರೋಗ್ಯರಾಜ್ಯ

ಭಾರತದ ಚಿಕ್ಕ ಮಕ್ಕಳಲ್ಲಿ ಟೊಮ್ಯಾಟೋ ಫ್ಲೂ ವೈರಸ್: ಎಚ್ಚರಿಕೆ ನೀಡಿದ ಲ್ಯಾನ್ಸೆಟ್ ವರದಿ

ಭಾರತದಲ್ಲಿ ಬಲವಾಗಿ ಬೇರೂತ್ತಿರುವ ಹೊಸ ಬಗೆಯ ಕಾಯಿಲೆ ಬಗ್ಗೆ ವೈದ್ಯರು ಎಚ್ಚರಿಕೆ ಗಂಟೆ ಮೊಳಗಿಸಿದ್ದಾರೆ. ಕೈಗಳು, ಕಾಲು ಮತ್ತು ಬಾಯಿ ಮೇಲೆ ಕೆಂಪು ಬಣ್ಣದ ಗುಳ್ಳೆಗಳು ಉಂಟಾಗುವ ‘ಟೊಮ್ಯಾಟೋ ಫ್ಲೂ’ ಪ್ರಕರಣಗಳು ಕೇರಳ ಮತ್ತು ಒಡಿಶಾಗಳಲ್ಲಿ ವರದಿಯಾಗಿವೆ. ಇವುಗಳ ಬಗ್ಗೆ ಎಚ್ಚರ ವಹಿಸುವುದು ಅಗತ್ಯ ಎಂದು ವೈದ್ಯರು ಹೇಳಿದ್ದಾರೆ.

ಕೇರಳದ ಕೊಲ್ಲಂನಲ್ಲಿ ಮೇ 6ರಂದು ಮೊದಲ ‘ಟೊಮ್ಯಾಟೋ ಫ್ಲೂ’ ಪ್ರಕರಣಗಳು ದಾಖಲಾಗಿದ್ದವು. ಅದರ ಬಳಿ ಈವರೆಗೂ 82 ಮಕ್ಕಳಿಗೆ ಕಾಯಿಲೆ ತಗುಲಿದೆ. ಈ ಮಕ್ಕಳು 5 ವರ್ಷಕ್ಕಿಂತ ಒಳಗಿನವರು ಎಂದು ಲ್ಯಾನ್ಸೆಟ್ ರೆಸ್ಪಿರೇಟರಿ ಜರ್ನಲ್ ವರದಿ ತಿಳಿಸಿದೆ.

ಕೋವಿಡ್ 19ರ ನಾಲ್ಕನೇ ಅಲೆ ಸೃಷ್ಟಿಯಾಗುವ ಸಾಧ್ಯತೆ ವಿಚಾರವನ್ನು ನಾವು ಎದುರಿಸುತ್ತಿರುವಾಗ, ಟೊಮ್ಯಾಟೋ ಫ್ಲೂ ಅಥವಾ ಟೊಮ್ಯಾಟೋ ಜ್ವರ ಎಂದು ಕರೆಯಲಾಗುವ ಹೊಸ ವೈರಸ್ ಭಾರತದಲ್ಲಿ ಸೃಷ್ಟಿಯಾಗಿದೆ. ಕೇರಳ ರಾಜ್ಯದಲ್ಲಿ 5 ವರ್ಷದ ಒಳಗಿನ ಮಕ್ಕಳಲ್ಲಿ ಇದು ಕಂಡುಬಂದಿದೆ” ಎಂದು ಲ್ಯಾನ್ಸೆಟ್ ವರದಿ ಹೇಳಿದೆ.

ಈ ಸೋಂಕುಕಾರಕ ಕಾಯಿಲೆಯು ಕರುಳಿನ ವೈರಸ್‌ನಿಂದ ಉಂಟಾಗುತ್ತದೆ. ವೈರಸ್ ವಿರುದ್ಧ ಹೋರಾಡು ಸಾಕಷ್ಟು ಪ್ರತಿರೋಧಕ ಶಕ್ತಿ ವಯಸ್ಕರಲ್ಲಿ ಇರುವುದರಿಂದ, ಅವರು ಈ ಸೋಂಕಿಗೆ ತುತ್ತಾಗುವುದು ಬಹಳ ಅಪರೂಪ.

ರೋಗಿಗಳ ದೇಹದಲ್ಲಿ ಕೆಂಪು ಬಣ್ಣದಲ್ಲಿ, ವಿಪರೀತ ನೋವುಂಟುಮಾಡುವ ಗುಳ್ಳೆಗಳು ಉಂಟಾಗುತ್ತವೆ ಮತ್ತು ಕ್ರಮೇಣ ಅವರು ಟೊಮ್ಯಾಟೋ ಗಾತ್ರಕ್ಕೆ ಹಿಗ್ಗುತ್ತವೆ. ಈ ಕಾರಣಕ್ಕಾಗಿ ಸೋಂಕಿಗೆ ಟೊಮ್ಯಾಟೋ ಫ್ಲೂ ಎಂದು ಹೆಸರಿಸಲಾಗಿದೆ.

ವಿಪರೀತ ಜ್ವರ, ದೇಹದ ನೋವು, ಸ್ನಾಯು ಊದುವಿಕೆ ಮತ್ತು ಆಯಾಸ ಸೇರಿದಂತೆ ವಿವಿಧ ಲಕ್ಷಣಗಳು ಕಂಡುಬರುತ್ತವೆ. ಚಿಕೂನ್‌ಗುನ್ಯಾಕ್ಕೆ ಇದರ ಲಕ್ಷಣಗಳು ಹೋಲುತ್ತವೆ. ಕೆಲವು ರೋಗಿಗಳಲ್ಲಿ ವಾಕರಿಕೆ, ವಾಂತಿ, ಬೇಧಿ, ಜ್ವರ, ನಿರ್ಜಲೀಕರಣ ಮುಂತಾದ ಲಕ್ಷಣಗಳು ಕೂಡ ಉಂಟಾಗುತ್ತವೆ.

ಕೇರಳದ ಅಂಚಲ್, ಆರ್ಯಂಕಾವು ಮತ್ತು ನೆಡುವತ್ತೂರ್ ಪ್ರದೇಶಗಳಲ್ಲಿ ಹೆಚ್ಚು ಪ್ರಕರಣಗಳು ಕಂಡುಬಂದಿವೆ. ಈ ಕಾಯಿಲೆಯು ಪಕ್ಕದ ಕರ್ನಾಟಕ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಕೂಡ ಎಚ್ಚರಿಕೆ ವಹಿಸುವಂತೆ ಮಾಡಿದೆ.

ಒಡಿಶಾದಲ್ಲಿ ಭುವನೇಶ್ವರದ ಪ್ರಾದೇಶಿಕ ವೈದ್ಯಕೀಯ ಸಂಶೋಧನಾ ಕೇಂದ್ರವು 1-9 ವರ್ಷದ 26 ಮಕ್ಕಳಲ್ಲಿ ಈ ಕಾಯಿಲೆಯನ್ನು ಪತ್ತೆ ಮಾಡಿದೆ. ಈವರೆಗೂ ಕೇರಳ, ತಮಿಳುನಾಡು ಮತ್ತು ಒಡಿಶಾ ಹೊರತುಪಡಿಸಿ ಭಾರತದ ಬೇರೆ ಯಾವ ರಾಜ್ಯಗಳಲ್ಲಿಯೂ ಟೊಮ್ಯಾಟೋ ಫ್ಲೂ ವೈರಸ್ ಪತ್ತೆಯಾಗಿಲ್ಲ.

ಇದು ಸ್ವಯಂ ನಿಯಂತ್ರಣದ ಕಾಯಿಲೆಯಾಗಿದ್ದು, ಇದರ ಚಿಕಿತ್ಸೆಗೆ ಯಾವುದೇ ನಿರ್ದಿಷ್ಟ ಔಷಧಿ ಲಭ್ಯವಿಲ್ಲ. ಈ ಸೋಂಕು ಬಹಳ ಸಾಂಕ್ರಾಮಿಕವಾಗಿದೆ ಎಂದು ಪರಿಣತರು ಹೇಳಿದ್ದಾರೆ.

Antony Raju A

Ncibtimesmedia Web Portal Director & national executive officer Contact:9482289151 Gmail: antonyraju166@gmail.com

Related Articles

Leave a Reply

Your email address will not be published. Required fields are marked *

Back to top button