ದೇಶದ ಷೇರುಪೇಟೆಗಳಲ್ಲಿ ಹೊಸ ವರ್ಷದ ಮೊದಲ ವಾರದಲ್ಲಿಯೇ ವಹಿವಾಟು ಸಕಾರಾತ್ಮಕವಾಗಿ ಸ್ಪಂದಿಸಿದ್ದು, ಯುಎಸ್ ಡಾಲರ್ ವಿರುದ್ಧ ರೂಪಾಯಿ ಮೌಲ್ಯ ೯ ಪೈಸೆ ಏರಿಕೆಯಾಗಿ ೮೨.೬೯ ಕ್ಕೆ ತಲುಪಿದೆ.ಕಚ್ಚಾ ತೈಲ ಬೆಲೆಯು ಅಧಿಕ ಹಿನ್ನೆಲೆಯಲ್ಲಿ ಇಂದಿನ ಆರಂಭಿಕ ವಹಿವಾಟಿನಲ್ಲಿ ಯುಎಸ್ ಡಾಲರ್ ವಿರುದ್ಧ ರೂಪಾಯಿ ೯ ಪೈಸೆ ಏರಿಕೆಯಾಗಿ ೮೨.೬೯ ಕ್ಕೆ ತಲುಪಿದ್ದು, ಈ ಬೆಳವಣಿಗೆ ಹೂಡಿಕೆದಾರರ ವಿಶ್ವಾಸ ಹೆಚ್ಚಿಸಿದೆ ಎಂದು ವಿದೇಶೀ ವಿನಿಮಯ ವ್ಯಾಪಾರಿಗಳು ಹೇಳಿದ್ದಾರೆ.
ಅಂತರರಾಷ್ಟ್ರೀಯ ವಿದೇಶಿ ವಿನಿಮಯದಲ್ಲಿಯೂ ಘಟಕವು ಡಾಲರ್ ವಿರುದ್ಧ ೮೨.೬೯ ನಲ್ಲಿ ಪ್ರಾರಂಭವಾಯಿತು, ಅದರ ಹಿಂದಿನ ಮುಕ್ತಾಯಕ್ಕಿಂತ ೯ ಪೈಸೆಯ ಏರಿಕೆಯನ್ನು ದಾಖಲಿಸಿದೆ.ನಿನ್ನೆಯ ಷೇರುಪೇಟೆ ವಿಚಾರ ಸಂಬಂಧ ಸಂವೇದಿ ಸೂಚ್ಯಂಕ ೩೨೭ ಅಂಕ ಏರಿಕೆ ಕಂಡು ೬೧,೧೬೭ ರಲ್ಲಿ ವಾರದ ವಹಿವಾಟು ಅಂತ್ಯಗೊಳಿಸಿದೆ.
ನಿಫ್ಟಿ ಕೂಡ ೯೨ ಅಂಕ ಏರಿಕೆ ಕಂಡು ೧೮,೧೯೭ ಆಗಿದೆ. ಡಾಲರ್ ಮುಂದೆ ರೂಪಾಯಿ ಮೌಲ್ಯ ೧೭ ಪೈಸೆ ಇಳಿಕೆಗೊಂಡು ೮೨.೭೮ ಆಗಿದೆ.ಮತ್ತೊಂದೆಡೆ, ಜಾಗತಿಕ ತೈಲ ಮಾನದಂಡವಾದ ಬ್ರೆಂಟ್ ಕ್ರೂಡ್ ಫ್ಯೂಚರ್ಸ್ ಪ್ರತಿ ಬ್ಯಾರೆಲ್‌ಗೆ ಶೇಕಡಾ ೦.೩೦ ರಷ್ಟು ಕುಸಿದು ಯುಎಸ್ ಡಿ ೮೫.೬೫ ಕ್ಕೆ ತಲುಪಿದೆ.
ಈ ಕುರಿತು ಮಾಹಿತಿ ನೀಡಿದ ಐಎಫ್‌ಎ ಗ್ಲೋಬಲ್ ರಿಸರ್ಚ್ ಅಕಾಡೆಮಿ ಸಂಶೋಧನಾ ವರದಿ, ಕ್ರಮದೊಂದಿಗೆ ರೂಪಾಯಿ ೮೨.೫೫-೮೨.೮೫ ಶ್ರೇಣಿಯಲ್ಲಿ ವಹಿವಾಟು ನಡೆಸುವ ಸಾಧ್ಯತೆಯಿದೆ ಎಂದು ಉಲ್ಲೇಖಿಸಿದೆ.
