FoodsLife Styleಆರೋಗ್ಯಜೀವನಶೈಲಿಬೆಂಗಳೂರುರಾಜ್ಯ

ಈ ನಾಲ್ಕು ಬಗೆಯ ಸೊಪ್ಪುಗಳು, ಇಷ್ಟ ಇಲ್ಲದಿದ್ದರೂ ಸೇವಿಸಿ! ಆರೋಗ್ಯಕ್ಕೆ ಒಳ್ಳೆಯದು…

ಮಳೆಗಾಲ ಮುಗಿಯುತ್ತಾ ಬರುತ್ತಿದಂತೆ, ಮಾರುಕಟ್ಟೆಯಲ್ಲಿ ಸೊಪ್ಪುಗಳದೇ ಕಾರುಬಾರು ಶುರುವಾಗಿ ಬಿಡುತ್ತದೆ… ಮಳೆಗಾಲದಲ್ಲಿ ಕೆಲವೊಂದು ಹಸಿರೆಲೆ ಸೊಪ್ಪುಗಳು ಸಿಕ್ಕಿದರೂ ಕೂಡ ಬೆಲೆ ಮಾತ್ರ ಗಗನಕ್ಕೆ ಏರಿರುತ್ತದೆ!

ಆದರೆ ಮಳೆಗಾಲ ಮುಗಿಯುತ್ತಾ ಬರುತ್ತಿದ್ದಂತೆ, ಹಲವಾರು ಬಗೆಯ ಹಸಿರೆಲೆ ಸೊಪ್ಪುಗಳು ಈ ಸಮಯದಲ್ಲಿ ಗ್ರಾಹಕರಿಗೆ ಕೈಗೆಟುಕುವ ಬೆಲೆಯಲ್ಲಿ ಭರಪೂರ ಲಭಿಸುತ್ತದೆ.

ಎಲ್ಲಾ ಬಗೆಯ ತರಕಾರಿಗಳಿಗಿಂತಲೂ ಕೂಡ, ತಾಜಾ ಹಸಿರೆಲೆ ಸೊಪ್ಪುಗಳನ್ನು ನಿಯಮಿತವಾಗಿ ಸೇವನೆ ಮಾಡುತ್ತಾ ಬರುವುದರಿಂದ, ಹಲವಾರು ಕಾಯಿಲೆಗಳಿಂದ ದೂರ ಇರಬಹುದು!

ಹೌದು ಅನೇಕ ಕಾಯಿಲೆಗಳಿಂದ ದೂರವಿಡುವ ಎಲ್ಲಾ ಗುಣಲಕ್ಷಣಗಳು ಕೂಡ ಈ ಹಸಿರೆಲೆ ಸೊಪ್ಪಿನಲ್ಲಿದೆ, ಎಂದ್ರೆ ತಪ್ಪಾಗಲಾರದು… ಬನ್ನಿ ಇಂದಿನ ಲೇಖನದಲ್ಲಿ ಆರೋಗ್ಯದ ವಿಷ್ಯದಲ್ಲಿ ನೋಡುವು ದಾದರೆ, ಯಾವೆಲ್ಲಾ ಸೊಪ್ಪುಗಳು ತುಂಬಾನೇ ಆರೋಗ್ಯಕಾರಿ ಎನ್ನುವುದನ್ನು ನೋಡೋಣ…

ಬಸಳೆ ಸೊಪ್ಪು

ಆರೋಗ್ಯಕ್ಕೆ ತುಂಬಾನೇ ತಂಪು ಎನ್ನುವ ಒಂದೇ ಕಾರಣಕ್ಕೆ, ಹೆಚ್ಚಿನವರು ಈ ಸೊಪ್ಪಿನಿಂದ ದೂರ ನಿಲ್ಲುತ್ತಾರೆ. ಅದರಲ್ಲೂ ಮಳೆಗಾಲದಲ್ಲಿ ಅಂತೂ ಈ ಸೊಪ್ಪಿನಿಂದ ಆದಷ್ಟು ದೂರ ಇರುತ್ತಾರೆ. ಇದು ನಿಜ ಕೂಡ, ದೇಹಕ್ಕೆ ತುಂಬಾನೇ ತಂಪು ಉಂಟು ಮಾಡುವ ಗುಣಲಕ್ಷಣವನ್ನು ಒಳಗೊಂಡಿದೆ.

ಆದರೆ, ಈ ಸೊಪ್ಪಿನ ಪ್ರಯೋಜನಗಳು ಗೊತ್ತಾದ್ರೆ ನಿಜಕ್ಕೂ ಅಚ್ಚರಿಯಾಗುತ್ತದೆ!ಹೌದು ತನ್ನಲ್ಲಿ ಅಪಾರ ಪ್ರಮಾಣದಲ್ಲಿ ಪೌಷ್ಟಿಕ ಸತ್ವಗಳ ಕಂಡುಬರುತ್ತದೆ. ಮುಖ್ಯವಾಗಿ ಈ ಹಸಿರು ಸೊಪ್ಪಿನಲ್ಲಿ ಕಡಿಮೆ ಪ್ರಮಾಣದ ಕ್ಯಾಲೋರಿ ಅಂಶಗಳು ಸಿಗುವುದರಿಂದ ತೂಕ ಇಳಿಸುವವರಿಗೆ ಬಹಳ ಒಳ್ಳೆಯದು.

ಅಷ್ಟು ಮಾತ್ರವಲ್ಲ,ಈ ಸೊಪ್ಪಿನಲ್ಲಿ ಫೋಲೇಟ್ ಅಂಶ ಹೇರಳವಾಗಿ ಕಂಡು ಬರುವುದರಿಂದ, ಹೃದಯಕ್ಕೆ ಸಂಬಂಧ ಪಟ್ಟ ಸಮಸ್ಯೆಗಳಿಂದ ನಮ್ಮನ್ನು ಕಾಪಾಡುತ್ತದೆ.

ಇನ್ನೂ ಸಂತಸದ ವಿಚಾರ ಏನಪ್ಪ ಅಂದ್ರೆ ಈ ಸೊಪ್ಪುನ್ನು ಮಿತವಾಗಿ ಸೇವನೆ ಮಾಡುವುದರಿಂದ, ಅಂದ್ರೆ ವಾರದಲ್ಲಿ ಒಂದೆರಡು ಬಾರಿಯಾದರೂ ಸೇವನೆ ಮಾಡುವುದರಿಂದ,

ಮಾರಕ ಕಾಯಿಲೆಗಳಾದ ಕ್ಯಾನ್ಸರ್, ಶ್ವಾಸಕೋಶದ ಕ್ಯಾನ್ಸರ್ ಹಾಗೂ ಬ್ರೈನ್ ಟ್ಯೂಮರ್‌ನಂತಹ ಖತರ್ನಾಕ್ ಕಾಯಿಲೆಗಳು, ನಮ್ಮ ಹತ್ತಿರನೂ ಸುಳಿಯುವುದಿಲ್ಲ, ಎಂದು ಸಂಶೋಧನೆಯಲ್ಲಿ ಸಾಬೀತು ಪಡಿಸ ಲಾಗಿದೆ.

ಹೀಗಾಗಿ ಆಗಾಗ ಬಸಳೆ ಸೊಪ್ಪಿನ ಪದಾರ್ಥಗಳನ್ನು ಸೇವನೆ ಮಾಡುವ ಅಭ್ಯಾಸ ಮಾಡಿ ಕೊಂಡರೆ ಒಳ್ಳೆಯದು.

ಸಬ್ಬಸಿಗೆ ಸೊಪ್ಪು

ಕೊತ್ತಂಬರಿ ಸೊಪ್ಪು ಹಾಗೂ ಸಬ್ಬಸಿಗೆ ಸೊಪ್ಪು ಅಣ್ಣ ತಮ್ಮ ಇದ್ದಂತೆ ಎಂದು ನಮ್ಮ ಹಿರಿಯರೇ ಹೇಳುತ್ತಾರೆ. ಯಾಕೆಂದ್ರೆ ಈ ಕೊತ್ತಂಬರಿ ಸೊಪ್ಪಿನ ಜೊತೆಗೆ ಸಬ್ಬಸಿಗೆ ಸೊಪ್ಪನ್ನು ಕೂಡ ಒಟ್ಟಿಗೆ ಅಡುಗೆಗೆ ಸೇರಿಸಿದರೆ, ಆರೋಗ್ಯಕ್ಕೆ ದುಪ್ಪಟ್ಟು ಲಾಭಗಳು ಸಿಗುತ್ತದೆಯಂತೆ…

ಮುಖ್ಯವಾಗಿ ಸಬ್ಬಸಿಗೆ ಸೊಪ್ಪಿನಲ್ಲಿ ಫ್ಲೇವನಾಯ್ಡ್ ಅಂಶಗಳು ಅಧಿಕ ಪ್ರಮಾಣದಲ್ಲಿ ಕಂಡು ಬರುವುದರಿಂದ, ದೇಹದ ಉರಿಯೂತಕ್ಕೆ ಕಾರಣವಾಗುವ ಫ್ರೀ ರಾಡಿಕಲ್ ಅಂಶಗಳಿಂದ ರಕ್ಷಣೆ ನೀಡುತ್ತದೆ.

ಅಷ್ಟೇ ಅಲ್ಲದೆ ಈ ಸೊಪ್ಪಿನಲ್ಲಿ ಅಜೀರ್ಣ ಹಾಗೂ ಮಲಬದ್ಧತೆ ಸಮಸ್ಯೆಯನ್ನು ದೂರ ಮಾಡುವ ಎಲ್ಲಾ ಗುಣಲಕ್ಷಣಗಳು ಕೂಡ ಕಂಡು ಬರುತ್ತದೆ.ಹೀಗಾಗಿ ಒಂದು ವೇಳೆ ನಿಮಗೆ ಸರಿಯಾಗಿ ಜೀರ್ಣಕ್ರಿಯೆ ನಡೆಯದೆ ಇದ್ದರೆ ಅಥವಾ ತಿಂದ ಆಹಾರ ಸರಿಯಾಗಿ ಜೀರ್ಣವಾಗದೇ ಇದ್ದರೆ ಸಬ್ಬಸಿಗೆ ಸೊಪ್ಪನ್ನು ಆಹಾರ ಪದ್ಧತಿಯಲ್ಲಿ ಸೇರಿಸಿಕೊಂಡರೆ ಬಹಳ ಒಳ್ಳೆಯದು.

ಪಾಲಕ್ ಸೊಪ್ಪು

ಮನುಷ್ಯನ ಆರೋಗ್ಯಕ್ಕೆ ಬೇಕಾಗುವಂತಹ, ಎಲ್ಲಾ ಬಗೆಯ ಪೌಷ್ಟಿಕ ಸತ್ವಗಳು ಕೂಡ ಕಂಡು ಬರುತ್ತದೆ. ಈ ಸೊಪ್ಪು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ವೈಜ್ಞಾನಿಕ ವಾಗಿಯೂ ಸಾಬೀತು ಆಗಿದೆ.

ಇನ್ನು ಈ ಸೊಪ್ಪಿನ ಪ್ರಯೋಜನಗಳನ್ನು ನೋಡುವುದಾದರೆ, ಇದರಲ್ಲಿ ಯಥೇಚ್ಛವಾಗಿ ವಿಟಮಿನ್ ಡಿ, ವಿಟಮಿನ್ ಸಿ, ಕ್ಯಾಲ್ಸಿಯಂ, ನಾರಿನಾಂಶ, ಪೊಟಾಶಿಯಂ, ಮೆಗ್ನಿಶಿಯಂ ಮತ್ತು ಹಲವು ಬಗೆಯ ಖನಿಜಾಂಶಗಳು ಮೂಳೆಯ ಆರೋಗ್ಯಕ್ಕೆ ಇದು ತುಂಬಾ ಸಹಕಾರಿ.

ಇನ್ನು ಖುಷಿಯ ವಿಚಾರ ಏನೆಂದರೆ, ಪಾಲಕ್ ಸೊಪ್ಪಿನಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ ತುಂಬಾ ಕಡಿಮೆ ಪ್ರಮಾಣದಲ್ಲಿ ಕಂಡು ಬರುವುದರಿಂದ.,

ಇದರಿಂದ ಮಧುಮೇಹದಿಂದ ಬಳಲುತ್ತಿರುವವರಿಗೆ ಈ ಸೊಪ್ಪು ಬಹಳ ಒಳ್ಳೆಯದು.ಹೀಗಾಗಿ ಈ ಸೊಪ್ಪಿನ ಸಂಪೂರ್ಣ ಪ್ರಯೋಜನಗಳನ್ನು ಪಡೆಯಬೇಕೆಂದ್ರೆ, ಇದನ್ನು ಪಲ್ಯದ ರೂಪ ದಲ್ಲಿಯೂ ಸೇವನೆ ಮಾಡಬಹುದು,

ಇಲ್ಲಾಂದ್ರೆ ದಾಲ್-ಪಾಲಕ್ ರೀತಿ ಮಾಡಿಕೊಂಡು ಸೇವನೆ ಮಾಡಬಹುದು. ಒಂದು ವೇಳೆ ನಿಮಗೆ ಈ ಸೊಪ್ಪಿನ ಜ್ಯೂಸ್ ಇಷ್ಟವಾದರೆ, ಇದರ ಜ್ಯೂಸ್ ಮಾಡಿ ಕೊಂಡು ಕೂಡ ಸೇವನೆ ಮಾಡಬಹುದು.

ಮೆಂತೆ ಸೊಪ್ಪು

ಮೆಂತೆ ಸೊಪ್ಪು, ತನ್ನಲ್ಲಿ ಕಹಿ ಗುಣಲಕ್ಷಣಗಳನ್ನು ಹೊಂದಿದ್ದರೂ ಕೂಡ, ಈ ಸೊಪ್ಪಿನಲ್ಲಿ ಅನೇಕ ಬಗೆಯ ಔಷಧೀಯ ಗುಣಗಳು ಆರೋಗ್ಯವನ್ನು ಕಾಪಾಡುವಲ್ಲಿ ಮುಂಚೂಣಿಯಲ್ಲಿ ನಿಲ್ಲುತ್ತದೆ.

ಈ ಸೊಪ್ಪಿನಲ್ಲಿ ಅಧಿಕ ಪ್ರಮಾಣದಲ್ಲಿ ಕಬ್ಬಿಣಾಂಶ ಕಂಡು ಬರುವುದರಿಂದ ರಕ್ತ ಹೀನತೆ ಸಮಸ್ಯೆ ಇದ್ದವರಿಗೆ ಬಹಳ ಒಳ್ಳೆಯ ಸೊಪ್ಪು ಎನ್ನುವುದರಲ್ಲಿ ಎರಡು ಮಾತಿಲ್ಲ.

ಅಷ್ಟೇ ಅಲ್ಲದೆ ಟೈಪ್ 1 ಹಾಗೂ ಟೈಪ್ 2 ಮಧುಮೇಹ, ಇರುವ ಜನರಿಗೆ ಮೆಂತೆ ಸೊಪ್ಪು ತುಂಬಾನೇ ಲಾಭಕಾರಿ.

Antony Raju A

Ncibtimesmedia Web Portal Director & national executive officer Contact:9482289151 Gmail: antonyraju166@gmail.com

Related Articles

Leave a Reply

Your email address will not be published. Required fields are marked *

Back to top button