ಅಂತಾರಾಷ್ಟ್ರೀಯ

ʼWife For Saleʼ ಎಂದು ಜಾಹೀರಾತು ನೀಡಿದ ಪತಿ: ಟೂರ್‌ಗೆ ಹೋಗಿದ್ದ ಪತ್ನಿಗೆ ಶಾಕ್‌!

ಬ್ರಿಟನ್‌ ಮೂಲದ ದಂಪತಿ  ಸೋಶಿಯಲ್‌ ಮೀಡಿಯಾದಲ್ಲಿ ಫನ್ನಿಯಾಗಿ ಪೋಸ್ಟ್‌ ಹಾಕುವ ಮೂಲಕ ಜನರನ್ನು ದಂಗುಗೊಳಿಸಿದ್ದಾರೆ. ಹೌದು ಪ್ರವಾಸಕ್ಕೆ ತೆರಳಿದ್ದ ಪತ್ನಿಗೆ ಮನೆಯಲ್ಲಿ ಕುಳಿತಿದ್ದ ಪತಿ ಶಾಕ್‌ ನೀಡಿದ್ದಾನೆ. ಏನಿದು ಶಾಕಿಂಗ್‌ ನ್ಯೂಸ್‌ ಎಂದು ತಿಳಿಯಬೇಕೇ? ಹಾಗಾದ್ರೆ ಈ ಸುದ್ದಿ ಓದಿ. 

ಪ್ರವಾಸಕ್ಕೆಂದು ಪತ್ನಿ ತೆರಳಿದ್ದ ಸಂದರ್ಭದಲ್ಲಿ ಪತಿಯು ʼವೈಫ್‌ ಫಾರ್‌ ಸೇಲ್‌ʼ ಎಂದು ಆಕೆಯ ಫೋಟೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿದ್ದಾನೆ. ಅಷ್ಟೇ ಅಲ್ಲದೆ, ಆಕೆಯನ್ನು ಹಳೆಯ ಕಾರ್‌ಗೆ ಹೋಲಿಕೆ ಮಾಡಿದ್ದಾನೆ. 

ಈ ಕುರಿತು ‘ನ್ಯೂಯಾರ್ಕ್ ಪೋಸ್ಟ್’ ವರದಿ ಮಾಡಿದೆ. ಅದರ ಪ್ರಕಾರ, ಫೋಟೋ ಶೇರ್‌ ಮಾಡಿದ ವ್ಯಕ್ತಿಯ ಹೆಸರು ರಾಬಿ ಮೆಕ್‌ಮಿಲನ್. ವೃತ್ತಿಯಲ್ಲಿ ಡಿಸ್ಕೋ ಜಾಕಿಯಾಗಿ ಕೆಲಸ ಮಾಡುತ್ತಿರುವ ಮಿಲನ್‌, ತನ್ನ ಪತ್ನಿ ಸಾರಾ ಅವರ ಫೋಟೋವನ್ನು ಫೇಸ್‌ಬುಕ್‌ನಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ. ಈ ಪೋಸ್ಟ್‌ನಲ್ಲಿ ಸಾರಾಳನ್ನು ಖರೀದಿಸಿದರೆ ಆಗುವ ಅನುಕೂಲ, ಅನಾನುಕೂಲಗಳ ಬಗ್ಗೆಯೂ ತಿಳಿಸಿದ್ದಾರೆ. 

“ಈಗ ಮಾರಾಟಕ್ಕೆ ಲಭ್ಯವಿಲ್ಲ”: 
“ನಾವು ಸುಮಾರು 20 ವರ್ಷಗಳಿಂದ ಒಟ್ಟಿಗೆ ಜೀವನ ಸಾಗಿಸುತ್ತಿದ್ದೇವೆ. ಒಬ್ಬರಿಗೊಬ್ಬರು ಚೆನ್ನಾಗಿ ಅರ್ಥೈಸಿಕೊಂಡಿದ್ದೇವೆ. ಪೋಸ್ಟ್‌ ಮಾಡಿದ ಬಳಿಕ ಅನೇಕರು ಆಕೆಯನ್ನು ಖರೀದಿ ಮಾಡುತ್ತೇವೆ ಎಂದಿದ್ದಾರೆ. ಆದರೆ ದುರಾದೃಷ್ಟವಶಾತ್ ಅವಳನ್ನು ಈಗ ಮಾರಾಟ ಮಾಡುವುದಿಲ್ಲ. ಅವಳು ಮಿಲಿಯನ್‌ಗೆ ಒಬ್ಬಳು” ಎಂದು ಪ್ರೀತಿಯಿಂದ ಬರೆದುಕೊಂಡಿದ್ದಾನೆ.  

Related Articles

Leave a Reply

Your email address will not be published. Required fields are marked *

Back to top button